1245

Қазақстан 2018 жылы самбодан әлем чемпионатын өткізгісі келеді

ҚР самбошылары Болгарияда өткен әлем чемпионатынан екі күміс, бес қола медаль жеңіп алды.
Фотография - Қазақстан 2018 жылы самбодан әлем чемпионатын өткізгісі келеді Көрнекі сурет

Қазақстан самбо Федерациясының президенті Сәкен Мейрбеков өзінің  жоспары бойынша, 2018 жылы Алматыда самбодан әлем чемпионатын өткізгісі келетіндігін айтты деп, хабарлайды Today.kz  Vesti.kz.-сілтеме жасап. Мемлекет құрамасы соңғы жарыста жақсы көрсеткішке ие болды.

«Әлемдік самбо федерациясының (FIAS) және барлық ұлттық федерациялардың мақсаты, самбоны Олимпиадаға енгізу. Қазір Халықаралық федерация самбоны әлемге таныту бағдарламасын қолға алып жатыр. Жыл сайын, жүлделер географиясы кеңеюде. Осы әлемдік чемпионатқа 80-ге жуық мемлекет қатысты. Бұл мәселе FIAS конгресінде жиі талқыланады»,-деді Сәкен Мейрбеков.

Оның сөзінше, 2018 жылы Алматыда самбодан әлем чемпионатын өткізу үшін, халықаралық федерациямен екі жылдан бері келіссөздер жүргізілуде. Самбошылар сұранымдарын беруге дайын отыр.

«Мен, ол күннің де алыс еместігіне сенемін. Бірақ, болашақты болжамайық. Ол үшін біріншіден, Әлемдік самбо федерациясымен (FIAS) келісіп алу керек. Біздің үлкен жарыстарды өткізуге тәжірибеміз жетеді. Қазақстанды халықаралық ұйым жоғары деп бағалаған. Алматыда әлем чемпионатын өткізу қолымыздан келеді», -деп жоспарымен бөлісті Мейрбеков.

Самбодан соңғы жарыс қарашаның 11-і мен13-і аралығында өтті. Спорттық самбо сайысы бойынша, "күміс": Динара Жұмабаева (64 килограмм), Ерболат Байбатыров (57 килограмм), Дильдаш Құрышбаев(68 килограмм), Ерасыл Қажыбаев (100 килограмнан жоғары).  Әскери самбо сайысы бойынша, "қола": Қазбек Сұпығалиев (62 килограмм), Темірлан Ықсанғалиев (82 килограмм) және Нұргелді  Қиялбеков (68 килограмм).

Загрузка...