962

Қазақстандық Дархан Нортаев джиу-джитсудан әлем чемпионы атанды

Дархан Нортаев – Қазақстан спорт тарихындағы не-ваза турнирі бойынша тұңғыш әлем чемпионы.
Фотография - Қазақстандық Дархан Нортаев джиу-джитсудан әлем чемпионы атанды Сурет ашық ақпарат көздерінен алынды

Дархан Нортаев, Қазақстан тарихында джиу-джитсудың не-ваза турнирі бойынша тұңғыш әлем чемпионы атанды деп, хабарлайды Today.kz  JJIF қазақстандық федерациясының баспасөз-қызметіне сілтеме жасап.

Спортшы, финалдық тартыста отандасы Қоныс Қуандықовпен кездесіп, «алтын» алды. Спорттың бүкіл тарихында, тұңғыш рет әлемдік JJIF шаршы алаңына екі қазақстандық финалға шығып, бірімен бірі тартысқа түсті.

Қоныс Қуандықов, күмістен алқа тақты.

«Бұл мен үшін үлкен жеңіс. Бірінші кезекте, менің бапкерім Руслан Әбдреевтің еңбегінің жемісі. Қазақстандағы джиу-джитсу қауымдастығының құрама жасақтап, бізді әлем чемпионатына дайындауға Бразилиядан Эдуардо Вентура деген нұсқаушы маманды әкелгені үшін үлкен алғысымды білдіремін. Маған сенім артқан барша жандарға рахмет!»,-деді Дархан Нортаев.

Джиу-джитсудан әлем чемпионаты Польшаның Вроцлав қаласында өтті. Чемпионатқа әлемнің 46 елінен, жекелей және командалық есеп бойынша 2000 спортшы сынға түсті. Қазақстан құрамасының қоржынына екі алтын, бір күміс медаль түсті.