1330

Жансая Әбдімәлік халықаралық гроссмейстерлер турнирінің жеңімпазы атанды

Турнир гроссмейстер Кристина Радзиковскаяны еске алуға арналып ұйымдастырылған.
Фотография - Жансая Әбдімәлік халықаралық гроссмейстерлер турнирінің жеңімпазы атанды Сурет: ©Алмас Төлеке

Жансая Әбдімәлік Польшада өткен халықаралық әйелдер арасындағы гроссмейстерлер турнирінде бірінші орынды иеленді деп, хабарлайды Today.kz Шахмат академиясының баспасөз-қызметіне сілтеме жасап. Турнир гроссмейстер Кристина Радзиковскаяны еске алуға арналып ұйымдастырылған.

Халықаралық әйелдер арасындағы гроссмейстер турнирі 21 қараша мен 1 желтоқсан аралығында Ворцлав қаласында өтті. Онда Польшаның әйелдер құрамасы, Бакуда өткен Олимпиаданың күміс жүлдегерлері және өзге елдердің шахматшылары қатысты. 

Шахматтан қыздар арасындағы төрт дүркін әлем чемпионы, төрт рет теңбе-тең ойын өрнегін көрсетіп, бес рет жеңіске шықты.  

Тоғыз турнирдің қорытындысы бойынша, оқушы қыз 7.0 ұпай жинап, бірінші орынды иеленді.

Жансая Әбдімәлік – қазақстандық шахматшы, шахматтан қыздар арасындағы төрт дүркін әлем чемпионы, халықаралық шебер, әйелдер арасындағы гроссмейстер. Азиялық FIDE федерациясының 2013 жылғы қорытындысы бойынша 20 жасқа дейінгі, ең үздік Азия шахматшысы деп танылды.

2015 жылдың тамыз айындағы әлемдік FIDE топ-100 рейтингісі бойынша, қазақстандық шахматшы 11-ші орынды иеленді. 

Загрузка...