1080

Головкин Джейкобспен болатын жекпе-жек туралы: Өзімді сынап көремін

Қазақстандық боксшы Геннадий Головкин қарсыласы туралы өзінің ойымен бөлісті.
Фотография - Головкин Джейкобспен болатын жекпе-жек туралы: Өзімді сынап көремін Сурет ашық ақпарат көздерінен алынды

WBA, WBC, IBF және IBO тұжырымдары бойынша орта салмақтағы әлем чемпионы Геннадий Головкин америкалық боксшы Дэниел Джейкобс туралы ойымен бөлісті деп, хабарлайды Today.kz АҚШ-тың  Boxingscene сайтына сілтеме жасап. Кездесу Нью-Йорктегі Madison Square Garden аренасында 18 наурызда өтеді.

«Мен Джейкобспен болатын кездесуді тағатсыздана күтіп жүрмін. Бұл жұдырықтасу мен үшін өзімді бір сынап көру болады. Әлем боксшысы 18 наурызда мені шаршы алаңғы шақырды. Бұл маған және менің командама ұнайды. Мен шаршы алаңда өте зерек болуым керек. Жеңуім үшін маған өте сақ болып, барлық шеберлігімді қолдануыма тура келеді. Мен Дэниелді бірнеше рет көрдім. Оның деңгейінің қандай екендігін жақсы білемін. Сол үшін де бұл жекпе-жек жанкүйерлер үшін қызық болғалы тұр»,-деп атап өтті Головкин.

Естеріңізге сала кететін болсақ, Головкин мен Джейкобс жекпе-жегі Нью-Йорктегі Madison Square Garden аренасында 18 наурызда өтеді.

11 қаңтарда, Нью-Йорктегі Madison Square Garden аренасында өткен баспасөз мәслихатында қазақстандық және америкалық боксшылар Геннадий Головкин мен Дэниел Джейкобс жекпе-жек алдында алғаш рет бір-бірімен жүздесіп, көзбен сес көрсетті.

Қазақстанда жекпе-жекті «Қазақстан» және «KazSport» телеарналары көрсететін болады.