925

Джейкобс: Мен өмір бойы Головкинмен жекпе-жек өткізу үшін жаттықтым

Боксшы аталмыш мәлімдемені Golovkin - Jacobs 24/7 бағдарламасының эфирінен жасады.
Фотография - Джейкобс: Мен өмір бойы Головкинмен жекпе-жек өткізу үшін жаттықтым Сурет ашық ақпарат көздерінен алынды

Америкалық боксшы Дэниэл Джейкобс қазақстандық боксшы Геннадий Головкинмен болатын жекпе-жекке дайындығы туралы сөз қозғады деп, хабарлайды Today.kz АҚШ-тың Raging Babe сайтына сілтеме жасап.

«Маған бұл жағдай ұнайды. Бұл сөздерді айта аламын. Себебі, мені залдағы әрбір адам қолдап отыр. Мен Головкиннен қорықпаймын. Өмір бойы осы жекпе-жекті өткізу үшін жаттықтым»,-деді Джэйкобс.

Боксшы аталмыш мәлімдемені HBO телеарнасындағы Golovkin - Jacobs 24/7 бағдарламасының эфирінен жасады.

Головкин мен Джейкобстың жекпе-жегі

Естеріңізге сала кететін болсақ, 2016 жылдың 18 желтоқсанында, орта салмақтағы әлем чемпионы, қазақстандық Геннадий Головкин, орта салмақтағы америкалық кәсібқой боксшы Дэниел Джейкобспен өтетін жұдырықтасудың күнін ресми түрде жариялады.

Жекпе-жек Нью-Йорктегі Madison Square Garden аренасында 18 наурызда өтеді.

Головкин 2017 жылдың 3 қаңтар күні, Дэниел Джейкобспен болатын кездесуге дайындалу үшін, Big Bear жаттығу лагеріне келді.

11 қаңтарда, Нью-Йорктегі Madison Square Garden аренасында өткен баспасөз мәслихатында қазақстандық және америкалық боксшылар Геннадий Головкин мен Дэниел Джейкобс жекпе-жек алдында алғаш рет бір-бірімен жүздесіп, көзбен сес көрсетті.

Боксшының бапкері Абель Санчес: «Джейкобс – қауіпті қарсылас. Сол үшін де, Головкин өте ыждахаттылықпен дайындалып жатыр. Оның жекпе-жегі болмаса да, ол қараша айында лагерге дайындалуға барды, жаңа жылдан кейінгі екінші күні тағы жаттықты. Ол жаттығуды 12 қаңтар күні қайта жалғастырады».

Геннадий Головкин кәсіпқой рингке 36 рет шығып, 36 рет жеңіске жетіп, кездесулердің 33-ін нокаутпен аяқтады.

Америкалық боксшы 32 рет жеңіске жетіп, бір мәрте есе жіберіп алған.

Қазақстанда жекпе-жекті «Қазақстан» және «KazSport» телеарналары көрсететін болады.