676

Қанат пен Норбертоның кездесуін «Қазақстан» телеарнасынан көрсетеді

Жекпе-жек мамырдың 27-і күні Астана уақытымен сағат: 06:00-де өтеді.
Фотография - Қанат пен Норбертоның кездесуін «Қазақстан» телеарнасынан көрсетеді Сурет ашық ақпарат көздерінен алынды

«Қазақстан» және «Kazsport» телеарналары тікелей эфирден WBO Intercontinental және WBA Fedelatin белбеулерінің иегері, орта салмақтағы (23-0, 19 КО) қазақстандық боксшы Қанат Ислам мен Норберто Гонсалестің (23-8, 13КО) жекпе-жегін көрсетеді деп, хабарлайдыToday.kz. Кездесу мамырдың 27-і күні Астана уақытымен сағат: 06:00-де өтеді.

Бокс кешінің аясындағы андеркартта қазақстандық боксшы Жанқош Тұраров (20-0, 14КО) пен оның шаршы алаңдағы қарсыласы мексикалық Густаво Гарибай (13-8,2, 5КО) өнер көрсетеді.

Естеріңізге сала кететін болсақ, ақпан айында Қанат Ислам мен бразилиялық боксшы Робсон Асисс арасында кездесу өткен болатын. Қазақстандық қарсыласын нокаутқа жіберді.

9 қыркүйекте, Астанада танымал боксшылардың қатысуымен бокс кеші өтеді. Оның арасында Қанат Ислам да бар.