789

Бразилиялық қара белбеу иегері елордалықтарды джиу-джитсудан тегін жаттықтырады

Бразилиялық джиу-джитсудан қара белбеу иегері Марко Алмейда жаз бойы Fitness Park Astana жобасы аясында елордалықтарды тегін жаттықтырады.
Фотография - Бразилиялық қара белбеу иегері  елордалықтарды джиу-джитсудан тегін жаттықтырады Сурет: youtube/@Астана қ.әкімдігі/

Fitness Park Astana жобасы аясында елордадағы ашық аспан астындағы жаттығулар алты бағыт бойынша жүргізіледі. Мұнда кез келген адам сrossfit, zumba, combat-battle, джиу-джитсу, йога және у-шу бойынша жаттыға алады деп, хабарлайды Today.kz  Астананың ресми сайтына сілтеме жасап.

Тегін спорттық жаттығулар әр жексенбі сайын сағат 10.00-де қаланың орталық саябағында өтеді. Жобаны Астана қласының әкімшілігі қолдап отыр.

«Бапкерлеріміздің барлығы әлем чемпиондары мен халықаралық дәрежедегі шеберлер. Біз жаттығуға ең мықты деген шеберлерді шақыруға тырысамыз. Биыл жаз бойы астаналық спортшыларды бразилиялық джиу-джитсудан қара белбеу иегері, әлем чемпионы Марко Алмейда жаттықтырады. Салауатты өмір салтын ұстанатын азаматтар үшін бұл өте жақсы мүмкіндік», - дейді джиу-джитсудан үш мәрте әлем чемпионы Қанат Алин.

Жаттығуға әр түрлі жастағы жүзге жуық адамның қатысып жатқындығы хабарланды.


Загрузка...