844

WBC Головкиннің бес үздік қарсыластарын атады

Сондай-ақ, WBC Геннадий Головкин мен Сауль Альварестің жекпе-жегіне орай арнайы белбеу жобасына дауыс беруді ашты.
Фотография - WBC Головкиннің бес үздік қарсыластарын атады Сурет ашық ақпарат көздерінен алынды

Дүниежүзілік боксерлік кеңес (WBC) қазақстандық боксшы Геннадий Головкиннің лайықты қарсыластарын атады, деп хабарлайды Today.kz Республикалық Sports.kz сайтына сілтеме жасап.

Арнайы жазба Твиттерде жасалды.

Дүниежүзілік боксерлік кеңестің ұйғарымы бойынша, GGG лайықты қарсыластары Дэниэль Джейкобс (32-2, 29 КО), Келл Брук (36-2, 25 КО), Давид Лемье (38-3, 33 КО), Мартин Мюррей (35-4-1, 16 КО) және Марко Антонио Рубио (59-8-1, 51 КО).

Естеріңізге сала кететін болсақ, Геннадий Головкиннің келесі қарсыласы Сауль Альварес. Олардың жекпе-жегі қыркүйектің 16-сы күні Лас-Вегаста өтеді. Қазақстандық боксшының мәлімдеуінше, бұл кездесу оның мансабындағы ең ауыр айқас. Ал өз кезегінде мексикалық спортшы бұл жекпе-жекті мансабымдағы ең маңыздысы деп атап өтті.  

WBC Геннадий Головкин мен Сауль Альварестің жекпе-жегіне орай арнайы белбеу жобасына дауыс беруді ашты.