941

Жекпе-жек үшін Головкин мен Альварес қанша алады

Боксшылар жұдырықтасу үшін 15 миллион доллар алады.
Фотография - Жекпе-жек үшін Головкин мен Альварес қанша алады Сурет ашық ақпарат көздерінен алынды

Қазақстандық боксшы Геннадий Головкин мен мексикалық Сауль Альварестің Лас-Вегаста өтетін кездесуінің қаржылық сыйақысы туралы ақпарат белгілі болды деп, хабарлайды Today.kz Халықаралық The Telegraph ақпараттық агенттігіне сілтеме жасап.

Басылым ақпараты бойынша, боксшыларға жекпе-жек үшін 15 миллион доллар төлейді. Бұл сомаға ақылы көрсетілімнен түсетін үлес тағы қосылады. Сондай-ақ, Сауль Альварес бұл кездесуде жеңілетін болса, ақылы көрсетілімдерден қомақты ақшалай сыйақы алады.

Golden Boy Promotions басшысының ұйғарымынша ақылы көрсетілімдерден түсетін ақшаның көлемі 100 миллион долларды құрайды. Бұл ақшаның 60 пайызын Головкин мен Альвареске бөліп береді.

Естеріңізге сала кететін болсақ, 16 қыркүйекте Лас-Вегастегі T-Mobile аренасында жекпе-жек өтеді. Кездесуге екі ай қалғанда ұйымдастырушылар барлық билеттерді сатып қойған. Букмекерлер мен сарапшылардың пікірінше, бұл жекпе-жекте Головкинге үлкен сенім артылып отыр.