636

GGG мен Канелоның реваншы қыркүйекте өтуі мүмкін

Канело енді 15 қыркүйекте емін-еркін рингке шыға алады.
Фотография - GGG мен Канелоның реваншы қыркүйекте өтуі мүмкін Сурет ашық дереккөзден алынды

WBC президенті Маурисио Сулейман Геннадий Головкин мен мексикалық Сауль Канело Альварес арасында өтетін жекпе-жектің келіссөзі жүргенін айтты, деп хабарлайды Today.kz Fightnews сайтына сілтеме жасап. 

"Қоғам осыны қалайды, бұл жекпе-жек қазір өтуі керек, Канело уақытша Невада штатының Атлетикалық штатынан шеттетілгені себепті бұны (жекпе-жекті, – ред.) қыркүйекте жасауға мүмкіндік бар, өйткені бұл дәл қазір болуы тиіс үздік жекпе-жек", – деді Сулейман Мексикада өткен баспасөз мәслихатында. 

Канело Головкинмен 5 мамыр күні кездесуі керек болған, бірақ жекпе-жек кейінге шегерілді. Сауль Альварес қанынан тыйым салынған зат табылғандықтан, 17 ақпаннан бері қарай алты айға дейін өнер көрсете алмайды. 

Невада штатының Атлетикалық комиссиясының шығарған жазасына орай, Канело енді 15 қыркүйекте емін-еркін рингке шыға алады. Бұл күн – Мексиканың тәуелсіздік мерекесі. 

Естеріңізге салайық, Головкин Лос-Анджелесте Ванес Мартиросянмен жекпе-жекке шығып, оны екінші раундта нокаутқа жіберді