1169

Гузалия Гафурова Азия ойындарында қытай қызын жеңіп, алтын медаль иеленді

Бұл – қазақстандық спортшы қыздың осындай дәрежедегі сайыста жеткен екінші ірі жеңісі.
Фотография - Гузалия Гафурова Азия ойындарында қытай қызын жеңіп, алтын медаль иеленді Сурет: ©Данияр Майлыбаев

Қазақстандық спортшылар Индонезияда өтіп жатқан Азия ойындары – 2018 сайысында алтыншы медальдарын жеңіп алды. Каратэші Гузалия Гафурова алтын медаль иеленді, деп хабарлайды Today.kz Olympic.kz сайтына сілтеме жасап. 

Алтын медаль үшін өткен айқаста отандасымыз қытайлық қарсыласы Танг ЛинЛинді 2:0 есебімен жеңді.  

Бұл – қазақстандық спортшы қыздың осындай дәрежедегі сайыста жеткен екінші ірі жеңісі. Алғаш рет Азия ойындарына 2014 жылы қатысқан болатын. 

"Осы жылы қиын болды, өйткені қабырғам жарақаттанған. Өткен жолы осындай ірі сайысқа алғаш рет қатысқан едім, қарсыласым кім екенін білмедім. Осы жылы бірінші жекпе-жектен-ақ бәрі финалға дейін белгілі болды. Мына жарақатпен жеңіске деген үмітім 70 пайыз еді", – деді Гузалия. 

Осыған дейін Қазақстан Азиадада бес алтын медаль ұтқан еді. Оны ел қоржынына джиу-джитсерлер Руслан Исраилов пен Дархан Нортаев, семсерші Дмитрий Алексанин мен велошабандоз Алексей Луценко салды.

Азия ойындары 2 қыркүйекке дейін жалғасады. 

Загрузка...