Головкин мен Альварес үшінші рет жұдырықтаса ма – Том Леффлер жауап берді

Қазақстандық боксшы, орта салмақта WBC/WBA/IBF/IBO бойынша бұрынғы әлем чемпионы Геннадий Головкиннің промоутері Том Леффлердің сөзінше, GGG Сауль Альвареске қарсы үшінші жекпе-жегін ұйымдастыруға асықпайды, деп хабарлайды Today.kz  Sports.kz сайтына сілтеме жасап. 

"Адамдар олардың үшінші жекпе-жегін көргісі келеді. Геннадийдің не қалайтынын көреміз. "Канелоның" да нені қалайтынын көру керек. Ол жылдың аяғында жұдырықтасады деп естідік. Сондықтан бұл тақырыпта Golden Boy-мен сөйлесіп, оның жоспарын анықтап аламын. Жанкүйерлер олардың үшінші жекпе-жегін талап етеді деп ойлаймын. Қос тарап келісімге келе ала  ма, жоқ па, ол басқа әңгіме", – деді ол.