863

Шаршадым, мансабымның әдемі нүктесін қойғым келеді – Илья Ильин мәлімдеме жасады

Ол Instagram желісіндегі парақшсына ауыр атлетикаға қалай келгенін, оны тастап кеткісі келетінін жазды.
Фотография - Шаршадым, мансабымның әдемі нүктесін қойғым келеді – Илья Ильин мәлімдеме жасады Сурет: ©Алмаз Төлеке

Ауыр атлетикадан әлемнің төрт дүркін чемпионы Илья Ильин мәлімдеме жасады. Ол Instagram желісіндегі парақшсына ауыр атлетикаға қалай келгенін, оны тастап кеткісі келетінін жазды, деп хабарлайды Today.kz.

"24 жыл бұрын қуақы мына бала ағасымен бірге ауыр атлетика залына кірді, әлі күнге дейін осы залда жүр. Жеңісті күні көп болды, жаңа жеңістер де болатынына сенімдімін. Туысқандары мен жақындарына және спорттық өмірінде, күнделікті өмірінде көмектесіп жүрген басқа да адамдарға әлі тірі және денсаулығы мықты болғаны үшін рақмет", – деп жазды спортшы. 

Бұл сөзін көпшілік түсінбей қалуы мүмкін екенін айтқан ол бұндай ойдың басына не үшін келетінін қоса айтты. 


"Жасым отызда, әлі күнге залда жүрмін. Иә, шаршадым... Өзімді күштеп спорттық жолымды Токио Олимпиадасының алтын медалімен аяқтағым келеді. Бір кездері өзіме осындай миссия артқан едім. 

Біреуге өзімнің мықты екенімді, таза екенімді дәлелдеу үшін емес, төрт Олимпиадада өнер көрсетем деген мақсатым үшін осы жолмен жүремін 

Шаршадым, мансабымның әдемі нүктесін қойғым келеді. Егер қойылмаса, бәрібір де спорттық жолым бақытты деп есептеймін", – деді Илья Ильин. 

Естеріңізге салайық, Илья Ильин 2016 жылы тұтанған допинг жанжалының қақ ортасында қалды. 21 шілдеде Олимпиада – 2008-де тапсырған тесті оң нәтиже берді, қайталап тапсырғанда да дәл осы қорытынды шықты. Халықаралық Олимпиада комитеті Илья Ильинді барлық медалінен айырды. Ильяның омыртқасы жарақаттанғаны белгілі болды. Бірақ 2018 жылы спортшы үлкен спортқа қайта оралды.