750

Илья Ильин Катарда не үшін өнер көрсетпегенін түсіндірді

Қазақстандық ауыр атлет Илья Ильин мәлімдеме жасады.
Фотография - Илья Ильин Катарда не үшін өнер көрсетпегенін түсіндірді Көрнекі сурет

Қазақстандық ауыр атлет Илья Ильин мәлімдеме жасады. Спортшы Катардағы Олимпиада-2020 лицензиялық турнирінде не үшін тұғырға көтерілмегенін түсіндірді, деп хабарлайды Today.kz.

"Иә, мен өнер көрсеткен жоқпын. Омыртқам ауыратынын білесіздер, ол бір айда емделмейді. Қазіргі таңда қалпыма келіп жатырмын, Қытайда Азия чемпионатында 2019 жылдың сәуірінде старт жасаймын. 

Не үшін стартқа өтініш бердім? 

Токиодағы Олимпиада – 2020-ға қатысу үшін жаңа ереже бойынша атлет алты халықаралық стартқа қатысуы керек, старт нәтижесі бойынша үздік төртеуі есепке алынады. Стартты жіберіп алуыма болмайды, төрт стартқа қатысуым керек. Қандай екенін әлі ойланып жатырмыз. Азияға шығуым керек", – деп жазды Ильин. 

Ауыр атлет қазақстандықтарға қолдау білдіргендері үшін алғыс айтты, одан кейін өз командасын турнирдегі жеңісімен құттықтады. 

"Бірінші кезекте өз командамды жеңісімен құттықтаймын. Жігіттер жарады, осынау ауыр жылдың соңында бәрі жиналып, Кубокты жеңіп алды", – деді Ильин. 

Естеріңізге салайық, Олимпиада-2020 лицензиялық турнирінде Қазақстан ерлер құрамасы жалпы есепте бірінші орынға ие болды.