688

Данияр Елеусіновтың келесі жекпе-жегі қай күні болатыны жарияланды

Данияр Нью-Йоркта немесе Калифорнияда жұдырықтасқысы келеді, өйткені ол жерлерде қазақстандықтар көп.
Фотография - Данияр Елеусіновтың келесі жекпе-жегі қай күні болатыны жарияланды Сурет: today.kz

Данияр Елеусіновтың менеджері Зия Әлиев қазақстандық боксшының келесі жекпе-жегі қай күні өтетінін жариялады, деп хабарлайды Today.kz Sports.kz сайтына сілтеме жасап. 

"Промоутерлермен сөйлестім, 27 шілдеде шоу болады. Қайда болатынын әзірге нақты білмейміз, бірақ Данияр осы күні нақты рингке шығады", – деді ол. 

Әлиевтің сөзінше, Данияр Нью-Йоркта немесе Калифорнияда жұдырықтасқысы келеді, өйткені ол жерлерде қазақстандықтар көп. 

"Супержұлдыз болуына ең жақсы платформа. Ол сол жақта жұдырықтасқысы келеді", – деді менеджер. 

Естеріңізге салайық, Данияр Елеусінов соңғы жекпе-жегін 25 мамырда өткізді. Төрешілер шешімі бойынша чилилік Луис Норамбузнадан басым түсті. Қазақстанда жекпе-жек тікелей эфирден көрсетілді.