709

Алматыда Денис Тенге ескерткіш қойылады

Мемориал Денис Теннің туған күніне орай ашылады.
Фотография - Алматыда Денис Тенге ескерткіш қойылады Сурет ашық дереккөзден алынды

Аты аңызға айналған мәнерлеп сырғанаушы Денис Теннің ескерткіші 13 маусымда 11:00-де Алматы қаласында ашылады, деп хабарлайды Today.kz спортшының Instagram желісіндегі парақшасына сілтеме жасап. 

Ескерткіш спортшы қайтыс болған Байсейітов пен Құрманғазы көшелерінің қиылысына орналасады. 

Ескерткіш Денистің туған күнінің құрметіне ашылады. 13 маусымда Денис тірі болғанда 26 жасқа толар еді. 

Фото -

Сурет: Instagram /@denisten_official

"Денис әрқашан жарық жұлдыз болды, жастардың бағыттап, үлгі бола білді, бүкіл әлем тамсанған өшпес таланттың камертоны болды", – делінген хабарламада. 

Денис Тен қауымдастығының өкілдері мемориал Қазақстанның намысы үшін бойындағы бар күшін салған ұлы спортшыға құрмет көрсетуге жасалған мүмкіндік екенін айтты. 

Естеріңізге салайық, қазақстандық мәнерлеп сырғанаудың хас шебері Денис Тен автоұрылардың қолынан 2018 жылдың 19 шілдесінде қаза тапқан болатын.