"Даму" Қоры шағын және орта бизнесті қолдаудың жаңа бағдарламаларын енгізбек

Фотография - "Даму" Қоры шағын және орта бизнесті қолдаудың жаңа бағдарламаларын енгізбек

Бұл жайында ҚР Президенті жанындағы Орталық коммуникациялар қызметінде өткен брифингте Қаныш Тулеушин мәлімдеді

428 0

Бұл жайында ҚР Президенті жанындағы Орталық коммуникациялар қызметінде өткен брифингте "Даму" кәсіпкерлікті дамыту Қоры" АҚ Басқарма төрағасы Қаныш Тулеушин мәлімдеді. Сондай-ақ брифинг барысында Қор басшысы 2016 жылдың 4 айы ішіндегі бағдарламалардың жүзеге асуы жайында да баяндады.

2016 жылдың 1-сәуіріндегі есеп бойынша Екінші деңгейлі банктерге қор жинау бағдарламасы аясында 19 298 адам несие алған. 2016 жылдың 4 айы ішінде 35,7% артып, несие алушылар саны 1 140-қа жеткен. Өткен жылы осы уақытта 840 борышкер тіркелген болатын. 2016 жылдың бірінші сәуіріндегі есеп бойынша несиелердің жалпы сомасы 1 трлн 253 млрд теңгені құрады.

2016 жылдың 16-мамырындағы есеп бойынша Сыйақы мөлшерлемесін субсидиялау бағдарламасы бойынша 7 369 шарт жасалған. 2016 жылдың 4 айы ішінде 29,4% артып, жобалар саны 550-ге жеткен.

2016 жылдың 16-мамырындағы есеп бойынша, банкке кепілзаты жетіспеген жағдайда несиелерге кепілдеме беру бағдарламасы бойынша кепілдеме шарттарының саны 1 886-ға жеткен. 2016 жылдың 4 айы ішінде 74,8% артып, шарт жасаушылар саны 220-ға жеткен. Салыстырар болсақ, өткен жылы осы уақытта 131 кепілдеме шарты тіркелген болатын. 2016 жылдың 16-мамырындағы несиелер сомасы 71 млрд теңгені құрады.

"Жаңа бизнес ашуды қолдау" жобасы бойынша 697 адам оқытылды.

2016 жылы "Даму" Қоры Халықаралық қаржы ұйымдарынан (ХҚҰ) жеңілдікпен қаражат тартуды жалғастырады. 2011-2015 жылдар аралығында Азия даму банкі мен Еуропа қайта құру және даму банкінен 134,4 млрд теңге тартылған болатын. Нәтижесінде 1 924 кәсіпкер ХҚҰ берген жалпы сомасы 132,5 млрд теңге несиені жылына 13,4 % сыйақы мөлшерлемемен алды.

2016-2018 жылдар аралығында Қор Азия даму банкі мен Еуропа қайта құру және даму банкінен 252,5 млрд теңге тартпақ. Кәсіпкерлер жеңіл әрі тиімді сыйақы мөлшерлемесімен, ұзақ уақытқа, ұлттық валюта - теңгемен несие ала алады.



Загрузка...

Пікір (0)

Input is not a number!
Input is not a email!
Input is not a number!