"Ырыс" микроқаржы ұйымы соңғы жеті жылда 12 645 жобаны қаржыландырған

Фотография - "Ырыс" микроқаржы ұйымы соңғы жеті жылда 12 645 жобаны қаржыландырған

2009-2016 жылдар аралығында несие ұйымы арқылы жалпы соммасы 19,9 млрд.теңгені құрайтын 12 645 жоба қаржыландырылған

804 0

Бұл туралы ОҚО Аймақтық коммуникациялар қызметінде өткен брифингте «Ырыс» микроқаржы ұйымы» ЖШС-нің директоры Хилола Назарметова мәлім етті, деп хабарлайды ОҚО әкімінің баспасөз қызметы.

Оның айтуынша, 2009-2016 жылдар аралығында несие ұйымы арқылы жалпы соммасы 19,9 млрд.теңгені құрайтын 12 645 жоба қаржыландырылған.

Мәселен, 8 100 мал шаруашылығы жобасы болса, жылыжай шаруашылығы бойынша 262 жоба. Ал егін шаруашылығы бағытында 4 мыңға жуық жоба мен ауыл шаруашылық өнімдерін қайта өңдеу саласында 24 жоба іске қосылды. Сонымен қатар, әлеуметтік қызмет көрсету бағытында 212 жоба мен басқада 115 жоба жүзеге асып отыр. Жалпы жағарыда аталған жүйелі жұмыстар мен жобаларды қаржыландырудың нәтижесінде 11 мыңнан астам азамат жұмыспен қамтылған.

Осы жылдар ішінде 63 мың тоннаға жуық ет, 85 тоннадан астам сүт өнімі, 4,2 тонна көкөніс өнімі өндірілсе, 23,5 мың тонна мақта жиналуда. Тағы бір ерекше тоқталып өтетін нәрсе ол облыста бала-бақша ашуға несие беріп, 890 орынға арналған 15 бала-бақшаның іске қосылуы. Әлеуметтік маңызы жоғары мәселелердің шешілуіне аз да болса ықпалымызды тигізіп отырмыз»,-деді микроқаржы ұйымының директоры.

Елбасының кәсіпкерлікті қолдау және дамыту міндеттемесін орындау мақсатында құрылған бұл мекеме өз ісін бастаймын деген әрбір кәсіпкерге немесе шаруаға арзандатылған, қол жетімді несие таратады.

Айта кетейік, жыл басынан бері несие ұйымы құны 1 706 млн.теңге болатын 778 жоба қаржыландырып үлгерген.

і



Загрузка...

Пікір (0)

Input is not a number!
Input is not a email!
Input is not a number!