1247

Қазақстан мұнай өндіруді шектеуге дайын емес

Энергетика министрінің орынбасары Мағзұм Мырзағалиев бұл мәселенің әлі де талқыланып жатқаны туралы мәлімдеді.
Фотография - Қазақстан мұнай өндіруді шектеуге дайын емес Көрнекі фото

Қазақстан мұнай өндірудге шектеу қоятын құжаттарға қол қоюға дайын емес. Бұл туралы Қазақстанның энергетика министрінің орынбасары Мағзұм Мырзағалиев мәлімдеді, деп хабарлайды Today.kz ТАСС-қа сілтеме жасап.

"Біріншіден, біз бұл мәселені (тоқтату немесе өндіру) тек ел ішінде ғана талқылауға әзірміз. Шектеу қоятын құжаттарға қол қоя алмаймыз. Біз үшін осы отырысқа қатысып, мәселе жайында пікір алмасу және ОПЕК-ке мүше және мүше емес елдердің тәсілдемелері туралы білу маңызды", - деді ол.

"Біз қарашаның жиырмаларында тағы кездесіп, диалогымызды жалғастыруға келістік ", - деді министрдің орынбасары.

 Венада 28-29 қазан күндері ОПЕК мұнай өндіру көлемін тәулігіне 32,5-33 миллион баррель деңгейінде шектеу бойынша Алжирлік келісімдерді  орындау жөніндегі арнайы комитеттің алғашқы отырысы өтті. Комитеттің келесі отырысы Венада 25-26 қараша күндері өткізілмек.