870

Банктер құрылысшыларға енді несие бермейді

Банкке қарыз әрі несиені уақытында төлемейтіндердің 16 пайызы - құрылыс саласының өкілдері.
Фотография - Банктер құрылысшыларға енді несие бермейді Көрнекі сурет

Банктер несиені уақытында төлемегендері үшін Қазақстан құрылыс компанияларына қарыз беруден бас тартып отыр, деп хабарлайды Today.kz сайты Energyprom.kz-ке сілтеме жасай отырып. 

Белгілі болғандай, банкке қарыз әрі несиені уақытында төлемейтіндердің 16 пайызы - құрылыс саласының өкілдері. 

Осының салдарынан портфель сапасы мамыр мен шілде аралығында төмендеп кеткен. Бұрын уақытында төленбейтін несие қарыз үлесінің 11 пайызын құраса, бүгінгі таңда бұл санақ 16,4 пайызды көрсетіп отыр. 

Сондықтан банктер құрылысшыларға қарызды көп бермейтін болды.  Жалпы берілетін қарыздың ішіндегі олардың үлесі - 7,6 пайыз. Сарапшылар бұның соңғы бес жылдағы минималды деңгей екенін айтты. 

Десек те бірінші жартыжылдықта құрылыс фирмалары 2016 жылдың осы мерзіміне қарағанда 5,9 пайызға көп өнім шығарған соң, ел экономикасы 4,2 пайызға артты. 

2017 жылдың қаңтар-шілде айларында ұзақ мерзімді портфельдегі жұмыс істемейтін несие үлесі 13,7 пайыздан 8,7 пайызға өсті. Құрылыс компанияларына ұзақ мерзімді несие беру тоқтатылып, бұндай қарыздың көлемі жылына 801,4 миллиард теңгеге қысқарды. 

Загрузка...