835

Нұрсұлтан Назарбаев салықты азайтуды ұсынды

Енді төмен жалақы алатын азаматтар 10 есе аз салық төлейді.
Фотография - Нұрсұлтан Назарбаев салықты азайтуды ұсынды Көрнекі сурет

ҚР Президенті Нұрсұлтан Назарбаев Парламент палаталарының отырысында салықты азайтуды ұсынды, деп хабарлайды Today.kz.

"Салыстырмалы түрде төмен жалақы алатын адамдарды қолдау үшін 2019 жылдың 1 қаңтарынан бастап салықты 10 есе төмендету керек", – деді Нұрсұлтан Назарбаев.

Келер жылдан бастап орташа жалақы мөлшерінен 25 есе төмен айлық алатын азаматтар аз салық төлейді.

Елбасы бұның азаматтарды қолдау үшін жасалып жатқанын баса айтты.

Естеріңізге сала кетейік, Астанада Нұрсұлтан Назарбаевтың қатысуымен Қазақстан Парламенті палаталарының біріккен отырысы өтті.

Жиын кезінде Елбасы бірнеше тапсырма берді. Назарбаев елдегі жас отбасылар мен азаматтарды баспанамен қамтамасыз ету үшін "7-20-25" атты жаңа баспана бағдарламасын ұсынды.

Нұрсұлтан Назарбаев азаматтарға берілетін шағын несиенің көлемін 62 миллиард теңгеге жеткізуді тапсырды.

ҚР Парламенті палаталарының бірлескен отырысында Назарбаев Қызылордадан Астанаға газ жеткізілетінін айтты.
Загрузка...