Еңбекпен қамту министрі ұйықтап қалды

Фотография - Еңбекпен қамту министрі ұйықтап қалды

Ұлыбританияның еңбекпен қамту министрі Мэттью Хэнкок жоспарланған телеэфирге келе алмай қалды

141 0

Ұлыбританияның еңбекпен қамту министрі Мэттью Хэнкок жоспарланған телеэфирге келе алмай қалды. Мұның салдарын ол өзінің ұйықтап қалуымен түсіндіріп отыр. аталған телешоу барысында министр жұмыссыздарға арналған жаңа бағдарламаның тиімділігін айтып, жастарды еңбекке шақыруы тиіс болатын.

Саясаткер Еуропадағы әйгілі телеарна ITV 1-дің тікелей эфиріне шығуы керек еді. Алайда, кешігіп келуі салдарынан эфирге жіберілген жоқ. Өзінің айтуынша, ол небәрі 30 секундқа үлгере алмай қалған екен.

Жоспарланған токшоу барысында Хэнкок «Жастардың еңбек үшін күресі» деген топ белсендісі Ян Паттинсонмен сөз таластыруы керек болатын. Ян өз кезегінде «егер министрдің өзі жұмыссыз болса осы кешіккені үшін әлеуметтік жәрдемақыдан қағылатын еді» деп сынап өтті.

«Еріншектердің соңына «шам алып түскен» билік өкілінің өз саясатын қорғау үшін ұйқысын қимағанын қалай түсінуге болады?!» деді Паттинсон.

Министрдің өзі болса бұл жайттың тек өзіне ғана емес, жастарға да сабақ болуы тиіс екендігін мойындады. «Жұмысқа уақытылы келу керек, болмаған жағдайда осындай келеңсіз сәттерге тап боласыздар» деді Хэнкок.

Өз кемшілігін мойындау кез-келгеннің қолынан келе бермейтіні анық, әсіресе ол шенеунік болса. Хэнкоктың айтқан бұл сөзінен тек ағылшын жастары ғана емес, қазақтар да сабақ алса артықтық етпес еді.

 


Тегтер:

қалды ұйықтап

Загрузка...

Пікір (0)

Input is not a number!
Input is not a email!
Input is not a number!