Сох анклавы сымтемірмен қоршала бастады

Фотография - Сох анклавы сымтемірмен қоршала бастады

Сох анклавы маңындағы барлық шекара 9 қаңтардан бері жабық тұр

199 0

Қырғызстан үкіметі Өзбекстанға қарасты Сох анклавы аумағын сымтемірлермен қоршай бастады.

Баткен облысы әкімшілігінің өкілі Әбдіназар Ергешовтің айтуына қарағанда, жұмысшылар қазір 136 шақырымға созылатын шекараның 10 шақырымын қоршайды. Сымтемір қоршаулары қырғыздың Чарбак ауылына жақын орнатылып жатыр.

Сох ауданындағы Хушияр ауылының тұрғындары 5 қаңтар күні қырғыздың осы Чарбак ауылы тұсындағы жуықта ашылған шекара бекеті маңында электр желісі бағандарын орнатып жүрген қырғыз шекарашыларына шабуыл жасаған еді. Шекарашылар наразы тұрғындардың бетін қайтару үшін аспанға қарата оқ атқан. Жанжалдан үш өзбек азаматы жараланып, бір қырғыз полицейі соққы жеген. Бұдан соң өзбектер 30 қырғыз азаматын кепілге алып, кейін олардың барлығы босатылды.

Сох анклавы маңындағы барлық шекара 9 қаңтардан бері жабық тұр.


Тегтер:

Отунбаева

Загрузка...

Пікір (0)

Input is not a number!
Input is not a email!
Input is not a number!