Иранда оппозиционерлердің балаларынан жауап алынды

Фотография - Иранда оппозиционерлердің балаларынан жауап алынды

Иран билігі оппозицияның жетекшілері - бұған дейін президент сайлауына түскен саясаткерлер Мир Хусейн Мусави мен Мехди Каррубидің балаларын қамаудан босатты

151 0

Иран билігі оппозицияның жетекшілері - бұған дейін президент сайлауына түскен саясаткерлер Мир Хусейн Мусави мен Мехди Каррубидің балаларын қамаудан босатты.

11 ақпанда қауіпсіздік қызметі Мусавидің қыздары  Наргез бен Захраның үйлерін тінтіп, оларды тергеуге әкеткен еді. Бұдан соң полиция Каррубидің ұлы Мохаммад Хусейн Каррубидің үйіне де тінту жүргізіп, оны да ұстап әкеткен. Ресми орындар ақпарат құралдарына оппозиционерлердің балаларын "кейбір сұрақтарға түсінік алу үшін" ұстап әкеткенін хабарлаған.

Мусави мен Каррубидің бұл балалары әкелерін үйқамақтан босатуға тырысып жүрген еді.

Екі оппозиционер де 2009 жылы өткен президент сайлауына қатысып, сайлауды бұрмаланды деп сынаған соң, билік оларды 2011 жылдан бері үйқамаққа алған.

БҰҰ сарапшылары 11 ақпанда Тегеранды Мусави мен Каррубидің үйқамақтан босатуды сұраған.


Тегтер:

Ирак

Загрузка...

Пікір (0)

Input is not a number!
Input is not a email!
Input is not a number!