Қытай соты Ұйғыр автономиясының 20 тұрғынын соттады

Фотография - Қытай соты Ұйғыр автономиясының 20 тұрғынын соттады

Ең жеңіл жазаға ілінгендері алдағы 5 жылға сотталды

142 0

Қытайдың Синьцзян-Ұйғыр автономиясының 20 тұрғынын жергілікті сот лаңкестік және сепаратистік әрекеттері үшін бас бостандықтарынан айырды. Ең жеңіл жазаға ілінгендері алдағы 5 жылға сотталды. Ал, ауыр жазаланғандары өмірінің соңына дейінгі уақытын темір тордың арғы жағында өткізбек.

Сот отырысы 26 наурыз күні Қашқар округінде өткен. Кінәлі деп танылған он тоғыз адамға "лаңкестік әрекеттер жасау үшін ұялы телефондар мен ақпарат сақтайтын электронды құрылғылар пайдаланды және шекараны заңсыз кесті" деген айыптар тағылып отыр.

Сонымен қатар, Баянгөл-Монғол автономиялық округінде тағы бір күдікті сепаратистік әрекеті үшін 10 жылға бас бостандығынан айрылды. Ол ғаламторды сепаратистік және лаңкестік идеяларын нгасихаттау үшін пайдаланған деп айыпталған.

Айта кетейік, Синьцзян Қытайдағы ең "қызу" нүктелердің бірі. Биліктегілердің айтуынша, аймақта "Шығыс Түркістанның ислам қозғалысы" деп аталатын экстремистік топ кең қанат жайған. Ресми Пекин болса бұл ұйымды қауіпті лаңкестік топқа жатқызып, оның барлық әрекетін әшкерелеуді алдына мақсат етіп қоюда.


Загрузка...

Пікір (0)

Input is not a number!
Input is not a email!
Input is not a number!