Қырғыз-тәжік шекарасындағы жанжал бойынша іс қозғалды

Фотография - Қырғыз-тәжік шекарасындағы жанжал бойынша іс қозғалды

Қырғызстанның Тәжікстанмен шекарадағы Ақ-Сай ауылында (Баткен облысы) қырғыздар мен тәжіктер арасында болған жанжал бойынша үш қылмыстық іс қозғалды.

162 0

Қырғызстанның Тәжікстанмен шекарадағы Ақ-Сай ауылында (Баткен облысы) қырғыздар мен тәжіктер арасында болған жанжал бойынша үш қылмыстық іс қозғалды.

27-сәуірде Ворух анклавын айналып өтетін Ақ-Сай - Тамдық жолының құрылысы басталғанда екі ел азаматтары арасында жанжал болған еді. Әуелі тәжік ауылының тұрғындары құрылысқа көңілдері толмай, трактор жүргізушісін сабаған. Осыдан соң Ақ-Сай тұрғындары Ворух-Исфара жолын жауып тастаған. Екі жақтан да тұрғындар жиналып бір-бірлеріне тас лақтырған. Сегіз адам зардап шегіп, бірнеше көлік зақымданған.

Ішкі істер министрінің орынбасары Құрсан Асановтың айтуынша, зардап шеккен сегіз адам қазір ауруханада. Жексенбіде екі ел билігінің өкілдері жергілікті тұрғындармен кездескен. Тәжікстан делегациясын Соғды облысы губернаторының орынбасары бастап келген. Екі жақ жолды ашу, келтірілген шығындарды есептеп, қалпына келтіру туралы уағдаласқан.


Тегтер:

Отунбаева

Загрузка...

Пікір (0)

Input is not a number!
Input is not a email!
Input is not a number!