Pussy Riot ісіне қадағалау өндірісі ашылды

Фотография - Pussy Riot ісіне қадағалау өндірісі ашылды

Ресей жоғарғы соты Pussy Riot панк-тобының сотталған мүшелеріне қатысты қадағалау өндірісін ашу туралы шешім шығарды.

163 0

Ресей жоғарғы соты Pussy Riot панк-тобының сотталған мүшелеріне қатысты қадағалау өндірісін ашу туралы шешім шығарды. Жоғарғы сот алғашқы сот үкімінде қылмыстық-процессуалдық кодекстің талаптары бұзылған деп тапқан.

Азаттықтың Орыс қызметінің хабарлауынша, соттың қадағалау өндірісін ашу туралы шешімі 10 желтоқсанда - топтың сотталған мүшесі Мария Алехинаның адвокаты мен президент жанындағы адам құқықтары жөніндегі өкіл Владимир Лукин шағым түсіргеннен кейін белгілі болған.

Жоғарғы сот шешімі бойынша, шағымды Мәскеу қалалық соты қарайды.

Мария Алехина, Надежда Толоконникова мен Екатерина Самуцевич Мәскеудегі Құтқарушы Ғайса ғибадатханасында президент Владимир Путинге қарсы ән айтқаны үшін 2012 жылы тамызда "бұзақылық жасады" деген айыппен әрқайсысы екі жылға сотталған еді. Кейін Самуцевичтің жазасы шартты жазаға ауыстырылды. Қазір Алехина Нижегород облысында, Толоконникова - Красноярск өлкесінде жазаларын өтеп жатыр.


Тегтер:

Ресей

Загрузка...

Пікір (0)

Input is not a number!
Input is not a email!
Input is not a number!