325

Иракта жарылыстардан 29 адам мерт болды

Фотография - Иракта жарылыстардан 29 адам мерт болды

Ирак билігі 25 наурызда елде жарылыстар мен шабуылдардан 29 адам мерт болғанын хабарлады.

Бағдадтың солтүстік-шығысында полиция бекетіне бір жанкешті бомба жасырылған көлігін айдап әкеліп, жарып жіберген. Жарылыстан тоғыз адам қаза болған. Бағдадтан солтүстікке қарай Тармия қаласында да армия бекетіне шабуыл жасалып, салдарынан сегіз әскери қызметкер мерт болған.

Бакуба, Мосул және Тикрит қалаларында болған жарылыстардан тағы сегіз адам өлген.

Бағдадта осы күні қала ішінде кетіп бара жатқан сүнниттік депутаттың да көлігі жарылып, оның екі оққағары қаза тапқан. Қала базарларының бірінде болған жарылыс тағы екі адамның өмірін қиған.

Загрузка...