669

АҚШ Гуантанамодан тағы бес тұтқынды босатты

Пентагон Гуантанамо түрмесінде он жылдан астам уақыт отырған йемендік бес тұтқынның босатылғанын хабарлады. Бұрынғы тұтқынның біреуі Эстонияға, қалған төртеуі Оманға жіберілген.
Фотография - АҚШ Гуантанамодан тағы бес тұтқынды босатты

Пентагон Гуантанамо түрмесінде он жылдан астам уақыт отырған йемендік бес тұтқынның босатылғанын хабарлады. Бұрынғы тұтқынның біреуі Эстонияға, қалған төртеуі Оманға жіберілген.

Бес тұтқын бірдей Пәкістанда "Әл-Қаида" ұйымына қатысы бар деген күдікпен ұсталған. АҚШ билігі тұтқындарды бұдан ары қамауда ұстай берудің қажеті жоқ деп тапқан. Бірақ билік Йемендегі тұрақсыздыққа байланысты тұтқындарды бұл елге жіберуге болмайды деп шешкен.

АҚШ Кубададағы әскери-теңіз базасында Гуантанамо түрмесін жаппақ ниетте. Қазір бұл түрмеде 122 адам қамауда отыр.

2014 жылғы желтоқсаның соңында Гуантанамода отырған бұрынғы бес тұтқын Қазақстанға жеткізілген. Қазақстан билігі ол бес азаматқа "пана іздеп жүрген тұлға" мәртебесін берген.

azattyq.org

Загрузка...