"YouTube" әлеуметтік желісінде тарихи видеолар мұрағаты ашылды

Фотография - "YouTube" әлеуметтік желісінде тарихи видеолар мұрағаты ашылды

"Ассошиэйтед Пресс" ақпараттық агенттігі мен "British Movietone" деректі қорлар мұрағаты миллион минуттан асатын видео материалдарды сандық форматқа өткізіп, "YouTube" видео хастингіне жүктеді.

444 0

"Ассошиэйтед Пресс" ақпараттық агенттігі мен "British Movietone" деректі қорлар мұрағаты миллион минуттан асатын видео материалдарды сандық форматқа өткізіп, "YouTube" видео хастингіне жүктеді, деп хабарлады "ВВС" агеттігі. 

550 мыңнан астам бейне сюжеттердің ішінде 1936 жылғы Чарли Чаплин мен оның жұбайының бал айының жазбасы, "Гинденбург" дирижаблі апатының түпнұсқа түсірілімдері, одақтастардың Нормандияға әскер түсіруі жайлы видеолар бар.

Тарихи үзінділерден басқа, жинақта "Kinks" тобының шаштаразға келгені немесе 1935 жылдағы Чикагодағы пілдер жарысы сияқты жеңіл қызықты видеолар бар. Ең көне видео 1895 жылы түсірілген.

"Виедоны "YouTube" желісіне жүктеп жұртшылыққа тарихтағы маңызды сәттерді тамашалауға жол аштық. Бұл көрермендер үшін тарихта ізі қалған адамдар мен оқиғаларды көрсететін ерекше "саяхат"", - деді Ассошиэйтед Пресс халықаралық мұрағатының директоры Элвин Линдси.

"Ассошиэйтед Пресс" - 1846 жылы құрылған әлемдегі ірі ақпараттық агенттіктердің бірі. "British Movietone" - жаңалықтар агенттігі ретінде 1919 жылы құрылған британдық деректі бейнелер мұрағаты.

 

 

ҚазАқпарат



Загрузка...

Пікір (0)

Input is not a number!
Input is not a email!
Input is not a number!