Қазақстан Қытай бизнесмендерін "ЭКСПО-2017" көрмесіне шақырды

Фотография - Қазақстан Қытай бизнесмендерін "ЭКСПО-2017" көрмесіне шақырды

Қазақстанның Қытайдағы елшісі Шахрат Нұрышев "Оңтүстік-Оңтүстік" ынтымақтастыққа жәрдемдесу жөніндегі комитетінің отырысына қатысты.

169 0

 Қазақстанның Қытайдағы елшісі Шахрат Нұрышев "Оңтүстік-Оңтүстік" ынтымақтастыққа жәрдемдесу жөніндегі комитетінің отырысына қатысты.
ҚР СІМ баспасөз қызметінің мәліметінше, іс-шара ҚХР Сыртқы істер министрінің орынбасары Чэн Гопиннің, "Онтүстік-Онтүстік" ынтымақтастыққа жәрдемдесу жөніндегі комитетінің төрағасы Люй Синьхуаның, ҚХР-да тіркелген елшіліктердің және іскер топтар өкілдерінің қатысуымен өтті.

Елші өз сөзінде "Нұрлы жол" жаңа экономикалық саясаттың, 2015-2019 жылдарға арналған индустриялық-инновациялық дамудың мемлекеттік бағдарламасының, бес институционалдық реформаны жүзеге асыруға бағытталған "100 нақты қадам" Ұлт жоспарының негізгі мазмұнымен таныстырды.

Қатысушылар Қазақстанның инвестициялық саясаты, әлеуметтік-экономикалық дамуы, жақын және орташа мерзімді болашақтағы стратегиялық жоспарлары, мақсаттары мен міндеттері туралы ақпарат алды.

Ш. Нұрышев «жасыл энергетика» саласындағы қытайлық компания өкілдерін Астанада өтетін "ЭКСПО-2017" халықаралық мамандандырылған көрмесіне қатысуға шақырды.

Іс-шараның қорытындысы бойынша, екі ел арасындағы сауда-экономикалық әрекеттестікті ілгерілету мақсатында, "Онтүстік-Онтүстік" ынтымақтастыққа жәрдемдесу жөніндегі комитеті Қытайдың жетекші кәсіпорындарының делегациясын қалыптастырып, биылғы жылы қыркүйекте Қазақстанға сапармен келеді.

"Оңтүстік-Оңтүстік" ынтымақтастыққа жәрдемдесу жөніндегі комитеті ҚХР Мемлекеттік Кеңесінің шешімімен құрылған болатын. Коммерциялық емес қоғамдық ұйым болып табылады және тәуелсіз заңды тұлға ретінде қызмет етеді. Ол дамушы елдердің үкіметтік құрылымдарымен, кәсіпорындарымен, үкіметтік емес ұйымдарымен ынтымақтастық орнатып, Қытайдың үкіметтік мекемелерінің тапсырмаларын орындайды.
 



Загрузка...

Пікір (0)

Input is not a number!
Input is not a email!
Input is not a number!