Швейцарияда сиырлар турист әйелді таптап өлтірді

Фотография - Швейцарияда сиырлар турист әйелді таптап өлтірді

Швейцария Альпісінде жаяу серуендеп жүрудіің соңы Берлиннің 77 жастағы тұрғыны үшін қайғылы аяқталды.

669 0

Швейцария Альпісінде жаяу серуендеп жүрудіің соңы Берлиннің 77 жастағы тұрғыны үшін қайғылы аяқталды. Ол сиырлардың оқыс шабуылына ұшырап, сол жерде жантәсілім етті. Бұл туралы LifeNews дерегіне сілтеме жасаған немістің Bild басылымы хабарлады.

Қайғылы оқиға Граубюнден кантонындағы Лакс қалашығы маңында болған. Берлинде тұратын кемпір белгісіз бір себептермен сол жерде бір табын сиырдың шабуылына тап келеді. Құтырынған жануарлардың таптап тастауынан кейуана есін жинай алмай, қайтыс болып кетеді.

Әйел бұрын белгіленіп қойылған туристік маршрутпен жүруі керек екен. Бірақ ол жолды қысқартпақ болып, тау басындағы рестораннан фуникулер стансасына төтелей тартады. Бұл үшін саяхатшы сиырлар жайылып жүрген таулы терраса аумағы арқылы өте шықпақшы болады.

Әйел табынның тұсына келіп, оны айналып өте бермек болғанда, сиырлар жалт қарап, оған тұра ұмтылады. Ол ауыр салмақты сиырлардың тұяқтары астында жаншылып қалыпты.

Сиырлардың әйелге шабуыл жасағаны туралы деректі полцияға сол маңнан велосипедпен өтіп бара жатқан бір кісі жеткізіпті. Құтқарушылар мұнда тез-ақ жеткен, бірақ 77 жастағы әйел алған жарақатынан оңала алмай, оқиға орын алған жерде үзіліп кетіпті.



Загрузка...

Пікір (0)

Input is not a number!
Input is not a email!
Input is not a number!