Түркияда полиция бөлімшесінде жарылыс болып, 10 адам жапа шекті

Фотография - Түркияда полиция бөлімшесінде жарылыс болып, 10 адам жапа шекті

Бүгін түнде Стамбулда полицей учаскелерінің бірінде жарылыс болды. Салдарынан үш полиция қызметкері, тағы жеті бейбіт тұрғын зардап шекті

178 0

Бүгін түнде Стамбулда полицей учаскелерінің бірінде жарылыс болды. Салдарынан үш полиция қызметкері, тағы жеті бейбіт тұрғын  зардап шекті, деп хабарлады ТАСС.

Оқиға салдары туралы нақты деректер Стамбул полиция басқармасы таратқан мәлімдемеде келтіріледі.

Haberturk телеарнасы келтірген деректер бойынша, қылмыскерлер шабуыл жасау үшін мина қойылған көлікті пайдаланған. Султанбейли ауданында 01:01-де орын алған жойқын жарылыс салдарынан полицей учаскесінің  үш қабатты ғимаратының бір бөлігі қирады, артынша өртке оранды. Жалын жақын тұрған дүкенді де шарпыды. Жарылыс толқынынан  жақын тұрған 15 шақты автокөлік зардап шекті.

Зардап шеккендер ауруханаға жеткізілді.

Полиция қылмыскерлерді іздестіруде. Телеарна хабарлағандай, шабуылдың артында Күрдстан жұмыс тобының (КЖТ) содырлары тұр деген болжам бар.

Түркия әрекетіне тыйым салған ҚЖТ жауап ретінде шілдеде қарулы күресті жандандыратынын хабарлаған. Түрік құқық қорғау органдары тарапынан бітімді бұзатынын мәлімдеген. Содан бері, түріктің ӘӘК Ирактың солтүстігіндегі КЖТ лагерлеріне соққы жасай бастаған сәттен бастап, партия содырлары күн сайын шабуылдауға көшті. 20 шілдеден бастап құқық қорғау органдары мен КЖТ мүшелері арасында орын алған қақтығыстан Түрік қарулы күштерінің 20-дан астам әскери қызметшісі қаза тапты.

 

ҚазАқпарат


Загрузка...

Пікір (0)

Input is not a number!
Input is not a email!
Input is not a number!