Жаңа iPhone сатылымға қыркүйекте шығады

Фотография - Жаңа iPhone сатылымға қыркүйекте шығады

Apple жаңа iPhone 6S және 6S Plus смартфондарын сатылымға қыркүйекте шығарады деп күтілуде.

260 0

 Apple жаңа iPhone 6S және 6S Plus смартфондарын сатылымға қыркүйекте шығарады деп күтілуде, деп хабарлайды BNews.kz
Бұқаралық ақпарат құралдарының хабарлауынша, Apple жаңа iPhone 6S және 6S Plus смартфондарының таныстырылымын 9 қыркүйекте өткізеді деп болжанып отыр. Өткен жылы компания айфонның жаңа модельдерін дәл осы күні таныстырған болатын. Ал сатылымға 6S және 6S Plus смартфондары 18 қыркүйекте шығады деп күтілуде.

Сарапшылардың болжамы бойынша, айфонның жаңа модельдерінің дисплейі Force Touch технологиясымен жабдықталады. Сондай-ақ, iPhone 6S Plus смартфонының жақұт шынысы болуы мүмкін. Бұған қоса, жаңа айфонның корпусы нығайтылып, өзі қалыңырақ бола түспек. iPhone 6S негізгі камерасы 12 мегапиксельге жеткізіліп, тағы бірқатар функционалдық жаңашылдықтар енгізілуі мүмкін. Жаңа смартфондардың экранының көлемі iPhone 6 және iPhone 6 Plus секілді болады. Ал айфонның корпусының түсі қызғылт алтынмен толығады деп күтілуде. Бұл болжамдардың қаншалықты шындыққа сәйкес келетінін Apple фанаттары қыркүйекте білетін болады. 

Mobile Research Group сарапшысы Эльдар Муртазиннің айтуынша, Ресейде iPhone 6S 25 қыркүйектен сатыла бастайды. 32, 64 және 128 ГБ жадылы модельдердің бағасы, сәйкесінше 49 990, 56 990 және 63 990 рубль болады деп болжанған.
 


Тегтер:

iPhone

Загрузка...

Пікір (0)

Input is not a number!
Input is not a email!
Input is not a number!