692

Ереванда автобус жарылысына қатысты қылмыстық іс қозғалды

Жарылыс салдарынан 2 адам ажал құшқан. Тағы 7 кісі жараланған
Фотография - Ереванда автобус жарылысына қатысты қылмыстық іс қозғалды

Армения астанасы Ереванда бүгін түнде қалалық автобуста жарылыс болды. 

Елдің Төтенше жағдайлар министрлігі өкілдерінің хабарлауынша, 2 адам ажал құшқан. Тағы 7 кісі жараланған. Олардың барлығы қазір ауруханаға жеткізілді. Жапа шеккендердің арасында кәмелетке толмаған 3 жеткіншек пен автобус жүргізушісі бар. Армения полициясының басшысы Владимир Гаспарянның хабарлауынша, қоғамдық көлікке жарылғыш зат орнатылуы мүмкін. Дегенмен тергеу комитеті нақты мәлімет сарапшылар жұмысының қорытындысы бойынша жария етіледі деп отыр. Ал Бас прокуратура жарылысқа қатысты қылмыстық іс қозғады, деп жазды 24.kz.