1035

Гарри ханзада мен актриса Меган Марклдың тойына қанша қаражат жұмсалды

40 миллион доллардай ақша тек қана күзетке кеткен болуы мүмкін.
Фотография - Гарри ханзада мен актриса Меган Марклдың тойына қанша қаражат жұмсалды Сурет: instagram/@kensingtonroyal

БАҚ Гарри ханзада мен актриса Меган Марклдың тойына кеткен шығынды шамамен есептеді, ол – 43 миллион доллар, деп хабарлайды Today.kz Lenta.ru сайтына сілтеме жасап.

BriedBook порталының жазуынша, журналистер салтанатты рәсімнің шығынын шараның қызметіне қарап шамамен есептеген. 40 миллион доллардай ақша тек қана күзетке кеткен болуы мүмкін. 

Басылымның мәліметінше, тойды ұйымдастырушылар қызметі 150 мың доллар болған. Музыканттарға 400 мың доллар, флористерге 150 мың доллар, фотографтар мен операторларға 23 миллион доллар төленген. Қонақтарды күту үшін 385 мың доллар қаражат жұмсалған. Той тортының бағасы 65 мың долларды құраған. 

Гарри ханзаданың қалыңдығы 165 мың доллар тұратын көйлек киіп шыққан. Маркл өз көйлегін Ralph & Russo дизайнерлік дүкенінен тапсырыс беріп алдыртқан болатын. 

Естеріңізге салайық, Гарри ханзада мен актриса Меган Маркл арасындағы той 19 мамыр күні дүркіреп өтті. Салтанатты рәсімге 2,6 мың қонақ келді. Олардың арасында әнші Элтон Джон, америкалық тележүргізуші Опра Уинфри, теннисші Серена Уильямс, актерр Джордж Клуни, Виктория мен Дэвид Бекхэмдер және патша отбасының мүшелері болды.