1310

Джек Ма өзі құрған Alibaba компаниясынан қашан кететінін мәлімдеді

The New York Times басылымы Джек Ма 54 жасқа толған күні отставкаға кететінін жазған еді.
Фотография - Джек Ма өзі құрған Alibaba компаниясынан қашан кететінін мәлімдеді Сурет: © AP Photo/Sakchai Lalit

Alibaba электронды коммерциясының негізін қалаушы Джек Ма (Ма Юнь) өз қызметінен бір жылдан кейін кетеді. Осы уақыт аралығында ол компания төрағасы қызметін атқара беретін болады, 2019 жылдың 10 қыркүйегінде өз құзіртін Дэниель Чжанға (Чжан Юн) табыстайды. Бұл туралы Alibaba Group-қа тиесілі South China Morning Post басылымы хабарлады, деп жазады ТАСС.

"Бүгін Alibaba-ның құрылғанына 19 жыл болды. Қобалжып тұрмын, директорлар кеңесінің шешімімен дәл бір жылдан кейін компанияның басқарма төрағасы міндетін тастайтынымды мәлімдеймін", – деді ол. 

Өткен аптада The New York Times басылымы Джек Ма 54 жасқа толған күні отставкаға кететінін жазған еді. Бірақ ол тағы бір жыл жұмыс істейтінін хабарлады. Содан кейін бизнесмен Alibaba директорлар кеңесінің құрамында қалып, 2020 жылға дейін жұмысын қадағалайтын болады. 

Джек ма Alibaba компаниясын 1999 жылы Ханчжоуда құрып, оны әлемдегі ең ірі компанияға айналдырды. Компания электронды коммерция мен сандық төлеммен айналысады. 2017 жылы бизнесменнің қаражаты 30 миллиард долларға жетті, ол Қытайдағы ең бай үш адамның қатарына кіреді.