797

Индонезияда 188 жолаушысы бар ұшақ теңізге құлады

Boeing 737 MAX 8 лайнері теңізге құлаған.
Фотография - Индонезияда 188 жолаушысы бар ұшақ теңізге құлады Сурет: ©MADE NAGI

Индонезия әуекомпаниясының Lion Air жолаушылар ұшағы Джакартадан Панкалпинангқа ұшып бара жатып апатқа ұшырады. Бұл туралы индонезиялық құтқару қызметі хабарлады, деп жазады ТАСС.

Олардың мәліметінше, Boeing 737 MAX 8 лайнері теңізге құлаған. Радардан ұшқаннан кейін 13 минут өткен соң жоғалып кеткен. 

Индонезия көлік министрлігінің ақпаратынша, бортта экипажбен қосқанда 188 адам болған. 

Detik порталы іздеу және құтқару ұлттық агенттігі басшысы Мохаммад Саюганың мәлімдемесіне сілтеме жасай отырып Индонезия билігі ұшақты іздеуге үш кеме мен тікұшақ жібергенін хабарлады. Оның сөзінше, "құқтару тобы Ява аралының батыс бөлігіне бара жатыр, олар ауданды зерттейтін болады".