915

Эдди Мерфи оныншы рет әке атанды

Актер бірінші рет 1989 жылы әке атанды.
Фотография - Эдди Мерфи оныншы рет әке атанды Сурет: gettyimages.com

Эдди Мерфи оныншы рет әке атанды, деп хабарлайды Today.kz USA Today сайтына сілтеме жасап. 57 жастағы америкалық актер мен оның 39 жастағы құрбысы, австралиялық сәнбике Пейдж Бутчер Макс Чарльз есімді ұл баланың әке-шешесі болып отыр. 

Актер бірінші рет 1989 жылы әке атанды. Ол кезде бұрынғы әйелі Полетт Макнили Эрик есімді ұл босанған еді. 1990 жылы басқа қыз Тамара Худтан Кристиан атты ұл дүниеге келді. Мерфидің одан бөлек бес баласы бар, оларды Николь Митчелл өмірге әкелген. Сондай-ақ Мелани Брауннан бір қызы бар. 

Мерфи мен Бутчер арасындағы қарым-қатынас 2012 жылы басталды. Олар екі жастағы Иззи есімді қызды тәрбиелеп отыр.