1316

Канадада мысық сәлемдемемен бірге басқа елге кетіп қалды

Мысықтың басқа елге кетіп қалғаны туралы әйел адам бірнеше күннен кейін бір-ақ білген.
Фотография - Канадада мысық сәлемдемемен бірге басқа елге кетіп қалды Сурет: goodfon.ru

Канада тұрғыны Жаклин Лейк сәлемдемемен бірге өзінің Балу атты мысығын да байқамай басқа елге жіберіп қойған, деп хабарлайды Today.kz Regnum сайтына сілтеме жасап. 

Мысықтың басқа елге кетіп қалғаны туралы әйел адам бірнеше күннен кейін бір-ақ білген. Осы уақыт аралығында мысық жоғалып кетті деп есептеген ол сүйікті үй жануарын жер-жерден іздеген. Бірақ Балу жер жұтқандай жоқ болып кеткен. 

Сөйтсе Жаклин сәлемдемені қаптап жатқанда мысық оның ішіне зып беріп кіріп кетіпті. Қораптың түбіне кіргені соншалықты, әйел адам мысықты қаптап жатқанын білмеген де. Сөйтіп, қорапты Калгариядағы досына жөнелтіп жіберген. 

Фото -

Балу / Сурет: ctvnews.ca

Жолда келе жатқанда Балу қораптан сытылып шыққан. Бұл уақытта жүк көлігі Монреаль қаласына жетіп қалған. Осы жерден көлік жүргізушісі мысықты тауып алып, дабыл қаққан. 

Жеткізуші қызметтің өкілдері сәлемдемедегі жазу арқылы мысықты жөнелткен адамның телефонын тауып алып, Жаклинге хабарласқан. 

Мысық үйіне дін-аман оралды. Оны Монреаль кеме компаниясы қожайынына табыстаған. 

Пошта қорабында бірнеше күн бойы қалып қойған Балудың денсаулығы жақсы. Ол қазір отбасының жанында.