1276

Ресейде құлаған үйдің астында қалып қайтыс болған адам саны 33-ке жетті

Алдын ала болжам бойынша тұрмыстық газ жарылған.
Фотография - Ресейде құлаған үйдің астында қалып қайтыс болған адам саны 33-ке жетті Сурет: Челябинск облысы ТЖМ ММ

Магнитогорскіде құлаған тұрғын үйдің астынан тағы екі адамның мүрдесі табылды. Бұл туралы Ресей ТЖМ баспасөз қызметі хабарлады, деп жазады Today.kz НТВ арнасына сілтеме жасап. 

Құлаған подъезд астында қалып, қайтыс болған адам саны 33-ке жетті, оның ішінде алтауы – бала. Сегіз адамның тағдыры белгісіз күйде қалып отыр. 

Құтқарушылар үйіндіні ашу жұмысын жалғастыруда. Олар тасты қолмен ашуда. 

Естеріңізге салайық, Магнитогорскіде тоғыз қабатты тұрғын үйдің подъезі 31 желтоқсанда құлап түсті. Алдын ала болжам бойынша тұрмыстық газ жарылған. 

1 қаңтарда үйінді астынан 10 айлық сәби тірі табылды, ол ауыр жағдайда ауруханаға жеткізілді. 

Владимир Путинге Нұрсұлтан Назарбаев қайғылы оқиғаға байланысты көңіл айтты.