4220

Ләззат Танысбай "Нұр–Медиа" холдингінің бас директоры болып тағайындалды

Бұл туралы Facebook желісіндегі парақшасында "Нұр Отан" партиясы төрағасының бірінші орынбасары Мәулен Әшімбаев жазды.
Фотография - Ләззат Танысбай "Нұр–Медиа" холдингінің бас директоры болып тағайындалды Сурет: facebook.com/m.ashimbayev

Ләззат Танысбай "Нұр–Медиа" холдингінің бас директоры болып тағайындалды. Бұл туралы Facebook желісіндегі парақшасында "Нұр Отан" партиясы төрағасының бірінші орынбасары Мәулен Әшімбаев жазды, деп хабарлайды Today.kz.

"Бұл лауазымға танымал журналист, телевидения саласында кәсіби маман және табысты топ-менеджер Ләззат Мұратқызы Танысбай тағайындалды. Ол өзінің кәсіби мансабын "Қазақстан" телеарнасынан бастады, кейін "Хабар" арнасында жұмыс істеді. Мемлекет басшысының баспасөз қызметінде түрлі лауазымда қызмет атқарды. "Астана" арнасына ауысқанға дейін байланыс және ақпарат вице-министрі болды. Барлық лауазымда Ләззат Мұратқызы өзін масс-медиа саласында талантты маман және жақсы басшы ретінде көрсете білді. Оның қызметі партия холдингінің қызметіне жан бітіріп, тиімді модернизациясына үлес қосады деп сенемін", – деді Әшімбаев. 

"Нұр–Медиа" холдингі жаңа сатыға көтерілуді жоспарлап отыр. 

"Ләззат Мұратқызы бұл міндетті жақсы атқарады деген сенімдемін. Ол "Астана" арнасын әрі қарай басқара береді. Ләззат Танысбайға жаңа жауапты қызметінде табыс тілейміз!" – деді Мәулен Әшімбаев.