Дженнифер Лопесті Түркіменстанда ән салғаны үшін сынады

Фотография - Дженнифер Лопесті Түркіменстанда ән салғаны үшін сынады

Америкалық әнші Дженнифер Лопес Түркіменстан президенті Гурбангулы Бердімұхамедовтің туған күнінде ән салғаны үшін Human Rights Foundation құқық қорғау ұйымының сынына ұшырады.

375 0

Америкалық әнші Дженнифер Лопес Түркіменстан президенті Гурбангулы Бердімұхамедовтің туған күнінде ән салғаны үшін Human Rights Foundation құқық қорғау ұйымының сынына ұшырады.

29 маусымда Бердімұхамедов 56 жасқа толған туған күнін Каспий теңізінің жағасындағы Аваза курортында атап өткен. Оның туған күнінде Лопеспен бірге ресейлік әнші Филипп Киркоров, түркиялық әнші Мұстафа Сандал және ливандық әнші Нэнси Аджрам да ән салды. Лопес Бердімұхамедовті туған күнімен құттықтап, "Туған күніңізбен, президент мырза" деген әнін шырқаған.

Human Rights Foundation-ның директоры Тор Халверсон арнайы жасаған мәлімдемесінде "Лопес ақша табу үшін қай диктатордың алдында ән салса да өз еркі. Бірақ әншінің бұл әрекеті оның Amnesty International ұйымымен бірге Мексикадағы әйелдерге қарсы зорлық-зомбылықты жою бағдарламасына қатысатынына қайшы келеді" деді.

Лопес Түркіменстанға барған батыстық ең танымал әнші болып отыр. Оның Түркіменстанға сапарын түркімен газын Қытайға тасымалдайтын қытайлық China's National Petroleum Corporation (CNPC) компаниясы ұйымдастырған.

Халықаралық Human Rights Watch құқық қорғау ұйымы бұған дейін Түркіменстанды " әлемдегі ең репрессивті режимдердің бірі" деп атаған еді.

Осыған дейін Лопес сияқты адам құқықтары жағдайына бола сынға ұшырайтын елдер мен оның президенттерінің туған күніне орай ән салған кейбір батыстық әншілер де сынға ұшырап, кейіннен кешірім сұраған.

2011 жылы Голливуд актрисасы Хиллари Суонк Шешенстан басшысы Рамзан Қадыровтың 35 жасқа толған туған күнінде ән салғаны үшін өкініш білдіріп, кешірім сұраған.

2011 жылы Қазақстанда мұнайшылардың ереуіліне қолдау ретінде британдық әнші Стинг Астана күніне арналған концертінен бас тартқан еді. 


Тегтер:

түркменстан

Загрузка...

Пікір (0)

Input is not a number!
Input is not a email!
Input is not a number!