Иосиф Кобзон: достықты ту еткен Қазақстан халқынан Ресей үлгі алса деймін

Фотография - Иосиф Кобзон: достықты ту еткен Қазақстан халқынан Ресей үлгі алса деймін

Мен Қазақстаннан қайтқанда РФ Президенті Владимир Путинге осы форум туралы айтып, Ресейде де осындай шара өткізуді сұраған болатынмын

357 0

Ресей Федерациясы достықты ту еткен Қазақстан халқынан үлгі алса деймін. Бұл туралы Астана өтіп жатқан Қазақстан халқы Ассамблеясы кеңесінің кеңейтілген отырысында РФ Мемлекеттік думасының II-VI шақырылымдарының депутаты, РФ МД мәдениет жөніндегі комитеті төрағасының бірінші орынбасары Иосиф Кобзон мәлімдеді.

"Қазақстанға қазіргі қиын кезеңде осындай отырыс өткізіп жатқанына алғыс айтқым келеді. Бірнеше жыл бұрын біз Қазақстанды «әлемнің рухани астанасы» деп атаған болатынбыз. Мен Қазақстанға келгеніме қуаныштымын, өйткені бұнда қандай да бір ұлтаралық қақтығыс деген түсінік мүлде жоқ. Қазақстан бұқаралық ақпарат құралдарында тұрақты түрде ұлттар достастығы насихатталатын жалғыз ел. Әлемдік қауымдастық жарылыстар мен әскери әрекеттерден жапа шегіп отыр. Адамдар, балалар қаза болып, өркениет жоғалып жатыр. Бұл әрине бәрімізді алаңдатады. Ал адамгершілік идеялар тазалығы үшін күресті біз Қазақстаннан табамыз. Мен осы үшін Қазақстан Президенті мен оның идеяларын жүзеге асыратын Қазақстан халқына алғысым шексіз. Сіздерге қызғанышпен де қараймын. Ресей Федерациясы Қазақстан халқынан үлгі алса деймін. Бізде рухани мәдениет форумы өткізілмейді. Мен Қазақстаннан қайтқанда РФ Президенті Владимир Путинге осы форум туралы айтып, Ресейде де осындай шара өткізуді сұраған болатынмын", - деді Иосиф Кобзон.

Сондай-ақ, отырыста ҚР Мемлекеттік хатшысы Гүлшара Әбдіқалықова өңірлердегі жұмыс – ҚХА жұмысының негізгі бағыты екендігін атап өтті. Оның айтуынша, бүгінгі таңда ҚХА жылы шеңберінде 8,5 миллион адамның қатысуымен 30 мыңнан астам шара мен әлеуметтік акция өткізілген.

Шараға және де "Мир через культуру - Европа" халықаралық қауымдастықтың президенті Вильгельм Августат пен "Мир через культуру - Европа" халықаралық форумының басқа да өкілдері қатысуда.

Отырыс шеңберінде ҚХА Кеңесінің мүшелері ауыстырылмақ.


BNews.kz




Загрузка...

Пікір (0)

Input is not a number!
Input is not a email!
Input is not a number!