Қазақ радиосы енді Бауыржан Момышұлының шығармаларын эфирге шығарып тұрады

Фотография - Қазақ радиосы енді Бауыржан Момышұлының шығармаларын эфирге шығарып тұрады

Қазақ радиосының эфирінде 12-ші қаңтардан бастап Бауыржан Момышұлының "Ұшқан ұя" повесі негізінде жасалған жаңа жоба тыңдарманға ұсынылады

96 0

Қазақ радиосының эфирінде  12-ші қаңтардан бастап Бауыржан Момышұлының "Ұшқан ұя" повесі негізінде жасалған жаңа жоба тыңдарманға ұсынылады. Отбасы құндылықтарын насихаттайтын аталған шығарма Қазақ радиосының әуетолқынынан берілуде.

Бауыржан Момышұлы басынан өткергендері мен пайым-түсініктерін күнделікке жазып отырғаны бәрімізге белгілі. Батыр көрген-білгені мен ойларын жазу арқылы адамдардың ары мен намысын, санасы мен еркіндігін оята отырып,  жақсылық жасауды адам бойына ең басты қасиет етіп сіңіру керек деп санаған. Оның қолынан бұл міндетті орындау келді.

Қазақ радиосының эфирінен "Ұшқан ұя" кітабының аудионұсқасын тыңдау арқылы әрбір тыңдарман бір отбасы негізінде батырдың туған жерінде сол жылдары болған оқиғалармен, көшпенділер заманындағы қазақ этнографиясының элементтерімен таныса алады. Бір қызығы, кітапты жазуға Бауыржан Момышұлының 1955 жылдың наурызында көрген түсі түрткі болған.

«Ұшқан ұя» шығармасында Бауыржан Момышұлы әкесі мен әжесінің айтқан ақылы мен өсиеттері арқылы отбасы тәрбиесінің маңыздылығын қозғайды. Автор, салт-дәстүрлерді отбасы мүшелерінің бейнесі арқылы қызықты етіп баяндайды. 

Әскери шығармалар мен мемуарлар жанрына жататын "Ұшқан ұя" повестер мен әңгімелер жинағы 1976 жылы Қазақ Социалистік Совет Үкіметінің мемлекеттік жүлдесін иеленді. Кітап - халықты міндет, үлкенге құрмет, Отанына деген махаббат сияқты қасиеттерге тәрбиелейтін, ұлттық дәстүрлерін ұстануға баулитын шығарма.

Біз бұл жобаның берік отбасы қарым-қатынасын жоғары қоятын тыңдармандар арасында бағаланатынына сенімдіміз.

Құрметті тыңдарман, Қазақ радиосының әуе толқынынан 12-ші қаңтардан бастап жұмыс күндері таңертеңгі сағат 9:35-те, қайталауы кешкі 18:35-те берілетін Бауыржан Момышұлының танымал кітабы «Ұшқан ұяның» аудио нұсқасын тыңдаңыздар.

Өз кезегінде "Қазақстан" телерадиокорпорациясы тұрақты көрермендері мен тыңдармандарын ақпараттық-танымдық жаңа жобалармен қуантуды жалғастыруда.



Загрузка...

Пікір (0)

Input is not a number!
Input is not a email!
Input is not a number!