Атырауда Ф.Оңғарсынованың ескерткіші ашылды

Фотография - Атырауда Ф.Оңғарсынованың ескерткіші ашылды

Биіктігі – 8 жарым метр, ал салмағы 2 тоннаға тең.

738 0

Бүгін Атырауда мемлекет және қоғам қайраткері, көрнекті ақын Фариза Оңғарсынованың ескерткіші ашылды. Архитектуралық ерекшелігімен көздің жауын алатын нысан қаланың көркіне сән қосып тұр, деп хабарлайды BNews.kz.

Қазақ поэзиясының падишасы атанған ақын ескерткіші қоладан құйылған. Биіктігі – 8 жарым метр, ал салмағы 2 тоннаға тең.  Ескерткіштің салтанатты ашылу рәсіміне жергілікті мекеме басшылары, ақынның туыстары мен замандастары қатысты. Шара барысында Фаризаның өлеңдері оқылып, замандас-достары естелік әңгімелерін айтты.

Фото -

"Фаризаны қазақ поэзиясындағы Жанна Д Арк деп бағаладым. Себебі эпитет, теңеу, метафора секілді жаңалықтарды өз жанынан қазақ поэзиясына енгізді. Туған жерінен ақынның ескерткішінің ашылуы бұл өте құптарлық жайт. Мен қуанып тұрмын", -деді ақын, филология ғылымдарының докторы Қадір Жүсіп.

Поэзияда жалынды, өршіл жырларымен соны із қалдырған ақын Фариза Оңғарсынованың туған-туыстары ескерткіштің облыс орталығынан бой көтергеніне ризашылығын білдірді.

"Ескерткіш өте сапалы жасалған. Анамның, халық ақынының нәзіктігі мен қоса қайсарлығы да осы көріністе орын тапқан. Ақынын қадір тұтып, басына көтерген облыс басшылығына алғысым шексіз", - деді ұлы Айбар Оңғарсынов.

Жазғытұры ескерткіштің айналасына гүлзарлар отырғызылып, ағаш егілмек. Сөйтіп, жастардың рухани демалатын орнына айналмақшы. 



Загрузка...

Пікір (0)

Input is not a number!
Input is not a email!
Input is not a number!