Мұхамедиұлы көне Талхиз қаласы арқылы жол салынатынын жоққа шығарды

Фотография - Мұхамедиұлы көне Талхиз қаласы арқылы жол салынатынын жоққа шығарды

Фото: today.kz

ҚР МС министрі Алматы облысындағы тарихи ескерткішті басып өтетін трассаны салуға жол бермейтініне сендірді.

662 0

ҚР мәдениет және спорт министрі Арыстанбек Мұхамедиұлы көне Талхиз қаласы арқылы жол салынып жатқаны туралы ақпаратты жоққа шығарды, -деп хабарлайды Today.kz. Бірқатар БАҚ министрдің уәдесіне қарамастан, тарихи ескерткіш саналатын көне қала маңында жол салына бастағаны туралы хабарлады.

«Жоқ. Біз кеше хабарластық, жұмыскерлерді жібердік, ешқандай құрылыс басталған жоқ. Ертең вице-министрдің басқаруымен, Алматы облысы басшылығының қатысуымен кеңейтілген отырыс болады. Әрине, біз тарихи жерлердің сақталғанын қалаймыз. Осыған дейін бірнеше отырыстар болды, ЮНЕСКО сарапшыларының қатысуымен де болды, олар қаланың тарихи құндылығы бар екені туралы өздерінің қорытындыларын берді. Сонымен қатар, жол қаланы айналып өтуі керек деген ұсыныс айтты. Біз өзіміздің мамандарды жібердік, ол жерде техника тұр, қазір көпірді бұзып жатыр, техника да сол үшін, ал жол әлі салынбаған», - деп сендірді министр.

Талхиз – Ұлы Жібек жолының бөлігі, орта ғасырдағы 33 қалашығынан тұрады. Ол Қазақстан, Қырғызстан мен Қытайда бір мақсатта, бір мезгілде салынған нысандар тобына кіреді. 



Загрузка...

Пікір (0)

Input is not a number!
Input is not a email!
Input is not a number!