710

Дәурен Айдарқұлов жаңа кинода Әсел Сәдуақасованың күйеуі болып ойнайды

Дәурен мен Әселді отбасылық одаққа айналдырған - Асқар Бисембин.
Фотография - Дәурен Айдарқұлов жаңа кинода Әсел Сәдуақасованың күйеуі болып ойнайды Сурет ашық дереккөзден алынды

Актер Дәурен Айдарқұлов Әсел Сәдуақасовамен бірге киноға түсті, деп хабарлайды Today.kz НТК арнасының "Ревю" бағдарламасына сілтеме жасап.  

Дәурен мен Әселді отбасылық одаққа айналдырған - Асқар Бисембин. Режиссердің кезекті картинасында олар ерлі-зайыптының рөлін сомдайды.

“Алғашқыда басты рөлдегі жігітке Кенталды таңдаған едік. Сәл уақыттан кейін сценарийді қайта жазып Айдарқұловты бекіттік. Өйткені Дәуреннің бұл образды сәтті сомдап шығатынына күмәнім болмады", – дейді режиссер Асқар Бисембин.

“Менің бұл жолғы рөлім бұрынғыдан өзгерек. Өйткені осы уақытқа дейін қалыңдық атануға қамданып жүрген қыздардың образын сомдасам, бұл жолы үй шаруасымен ғана шұғылданатын, тұрмыстағы келіншектің кейпіндемін”, – дейді Әсел Сәдуақасова.

Сондай-ақ, Сая Оразғалиева, Айнұр Ілиясова, Жан Байжанбаев және Марат Достаев сынды өнерпаздар да осы киноға түскен.

Комедия келер жылдың көктемінде қалың көпшілікке ұсынылмақ.