1206

Данэлия Төлешова украиналық "Голос. Дiти" шоуының Бас жүлдесін жеңіп алды

Көрерменнің көп дауысын жинаған Даниэлия байқаудың Бас жүлдесіне ие болды.
Фотография - Данэлия Төлешова украиналық "Голос. Дiти" шоуының Бас жүлдесін жеңіп алды Сурет: instagram.com

Қазақстандық Данэлия Төлешова украина тілінде "Сенің кінәң емес" әнін орындап, "Голос. Діти" шоуының суперфиналында жеңіске жетті, деп хабарлайды Today.kz

Соғыс пен бейбітшілік туралы әнді мықты орындағаны соншалық, көрермен көзіне жас алды. 

Көрерменнің көп дауысын жинаған Даниэлия байқаудың Бас жүлдесіне ие болды. 

"Сенімен бірге жұмыс істеу - мен үшін марапат. Финалдық әнмен жұмыс істеген кезімізде ол "Океан Эльза" тобының "Сенің кінәң емес" әнін жақсы көретінін айтты. Мен орындап көруін өтіндім. Қатты таңғалдым. Саған айтарым, сенің арқалаған жүгің ауыр: сенің дауысың - бүкіл әлемдегі балалардың дауысы, сенің қызметің үлкен, меніңше, оны жақында түсінесің. Сен ғажайыпсың, шоуда істеген барлық жұмысыңа алғысым шексіз. Біз әлемдік жұлдызды тыңдап отырмыз, жобада осындай балалардың бар екеніне қуаныштымын", - деді Даниэлияның тәлімгені Дима MONATIK. 

Төлешова жеңіске жеткенін естіген кезде, жылап жіберді. 

"Дауыс" - менің бала күнгі арманым. Өнерімді көрген көп адам маған жаза бастады, өте қуаныштымын. Маған сенім артқандарыңыз үшін рақмет, Украина екінші үйім болып кетті", - деді Даниэлия. 

"Голос. Діти" шоуының төртінші кезеңінің жеңімпазы ретінде Даниэлия "Біздің радионың" үш айлық ротациясы мен Париждегі Disneyland-ке жолдама ұтып алды. 

Фото -