793

Мұқағали Мақатаевтың туған күні әлі тойланып жатыр

"Astana Musical" ұжымы Әуезов театры сахнасында Мұқағали Мақатаевты тағы бір еске алды.
Фотография - Мұқағали Мақатаевтың туған күні әлі тойланып жатыр Сурет: today.kz

Алматыда Мұқағали Мақатаевтың туған күнін тойлау әлі жалғасып жатыр. Бүгін "Astana Musical" театры Мұхтар Әуезов атындағы Қазақ мемлекеттік академиялық драма театры сахнасында "Жылайды жүрек" атты Мұқағали Мақатаевтың шығармашылығына арналған музыкалық поэтикалық кеш өтті, деп хабарлайды Today.kz.

Кеш ақиық ақынның алтын қорда сақталған дауысымен басталды. Мақатаевтың туған күні қарсаңында ұлы Жұлдыз Мақатаев "Әкем өлең оқығанда, залдан ызыңдаған шыбынның да дауысы шықпайтын еді" деген сөзі есімізге еріксіз оралды. 

Поэтикалық кеш жас актер-актрисалардың кезек-кезек оқыған өлеңімен, хорда орындағы әнімен өрілді. Мақатаев шығармашылығымен сусындауға келген әр көрермен ақынның ел жадында жатталған өлең жолдарын қосыла айтып, бұрын мүлде естімеген әндерін тыңдап, таңданып қайтты. 

Фото -

Домбыра, қобыз, күйсандық пен гитара жастардың әніне әдемі сүйемел болды. 

"Қазіргі кезде фанограмма, плюспен айтатын әнші көп. Біздің мақсатымыз шынайы өнерді дәріптеу", – деді Мұхтар Әуезов атындағы Қазақ мемлекеттік академиялық драма театрының директоры Асхат Маемиров. 

Фото -

Өнерлі жастардың мақпал даусына тәнті болған көрермен залдан көпке дейін шыққан жоқ. Актерлық құрамнан қайта-қайта ән сұраумен болды. Гострольдік сапарға келген "Astana Musical" ұжымы көрерменге французша, қазақша әндер орындады. 

Фото -

Естеріңізге сала кетейік, "Astana Musical" ұжымы алматыға "Елордадан Алатауға сәлем" атты гострольдік сапармен келді. Жақында ғана Мұхтар Әуезов атындағы театрға басшылық қызметке келген Асхат Маемиров "Astana Musical" тетарының көркемдік жетекшісі.